قالت المحامية ماهينور المصري، إن الطبيبة أمنية سويدان أُلقي القبض عليها من منزلها، وذلك بعد ساعات من نشرها تدوينة تحدثت فيها عن وقائع قالت إنها شهدتها خلال فترة عملها كطبيبة امتياز بمستشفى الشاطبي الجامعي.
وأضافت المصري، في منشور عبر حسابها على مواقع التواصل الاجتماعي: “أمنية سويدان كتبت بوست كبلاغ و استغاثة للي شافته بيحصل في فترة وجودها كطبيبة امتياز في مستشفى الشاطبي و ازاي ان في “بعض” الأطباء و الطبيبات مابيحترموش مهنتهم و لا مرضاهم و تعاملوا بتعنيف مع السيدات و في حالات وصلت للتحرش و ممكن كمان حاجات نقدر نصنّفها انها هتك عرض”.
وتابعت: “اتقبض عليها من ساعتين من بيتها، عايز تحقق معاها استدعيها حتيجي و حيتحقق معاها ، كمية الشهادات اللي طلعت من أطباء و طبيبات و مرضى مش بس عن مستشفى الشاطبي كبيرة و بتبين ان ده مش حينفع يتقال عليه اخبار كاذبة كالعادة”.
واختتمت: “نتمنى الأمان و السلامة لأمنية و نتمنى ان العقلية الأمنية دي تقف بتاعة بدل ما نحقق في المشكلة نحقق مع اللي اتكلم و نحبسه”.
